الخدمت الفلاح اسکالر شپ کے تحت5269 طلبہ وطالبات کی تعلیم مکمل

مالی دشواری کے شکار ذہین طلبہ کی مدد کا سلسلہ گزشتہ دو دہائیوں سے زائد عرصہ سے جاری ہے

ڈاکٹر حفیظ الرحمٰن، صدر الخدمت فاؤنڈیشن پاکستان

23 ستمبر 2023 ء

لاہور(   )الخدمت الفلاح اسکالر شپ کے تحت 5269 ذہین اور ہونہار طلبہ وطالبات اپنی تعلیم مکمل کر چکے ہیں۔ الخدمت الفلاح سکالر شپس الخدمت فاؤنڈیشن کے شعبہ تعلیم کاہی ایک حصہ ہے جس کا مقصد ان طلبہ و طالبات کی تعلیم جاری رکھنا ہے جو مالی دشواری کے باعث اپنی تعلیم مکمل نہیں کر پاتے ۔ اس پر الخدمت فاؤنڈیشن پاکستان کے صدر ڈاکٹر حفیظ الرحمٰن کا کہا تھا کہ پاکستان میں کم و بیش دو کروڑ 30 لاکھ بچے اسکول جانے سے محروم ہیں۔ پاکستان کی آبادی میں اضافے کی شرح 1.9 فیصد سالانہ ہے۔جبکہ شرح خواندگی میں اضافہ تقریباً ایک فیصد سالانہ کے حساب سے ہورہا ہے۔ انہوں نے بتایا کہ ذہین اور مالی مشکلات کے شکار طلبہ و طالبات کا میرٹ پر انتخاب کیا جاتا ہے اور پھر انہیں ہائر ایجوکیشن کے لئے وظائف فراہم کئے جاتے ہیں۔ صدر الخدمت نے بتایا کہ اس وقت الفلاح اسکالر شپ اسکیم کے تحت وطن عزیز کے چاروں صوبوں بشمول آزاد کشمیر اور گلگت بلتستان کے 936ہونہار اور مستحق طلبہ و طالبات کو اعلیٰ تعلیم کے حصول کے لئے بلاتفریق رنگ و نسل، مذہب و ذات اور سیاسی وابستگی تعلیمی وظائف فراہم کیے جارہے ہیں۔انہوں نے مزید بتایا کہ اب تک جن اسکالرز نے الفلاح اسکالرشپ اسکیم کی مدد سے اپنی تعلیم مکمل کی ان میں 604ڈاکٹرز،710انجینئرز، 1150بی ایس آنرز/ماسٹرز ، 256ایسوسی ایٹ انجینئرنگ،528گریجوایشن اور2021انٹر شامل ہیں۔اس طرح آج تک مجموعی طور پر5269ذہین اور ہونہار طلبہ وطالبات کو وظائف فراہم کئے جا چکے ہیں۔ ڈاکٹر حفیظ الرحمٰن نے کہا کہ یہ کامیاب اسکالرز اس وقت نہ صرف اپنے خاندان کی کفالت کر رہے بلکہ مختلف انتظامی اداروں اوردیگرشعبہ جات میں بھی احسن طریقے سے اپنے فرائض سرانجام دے رہے ہیں۔

 

والسلام

شعیب ہاشمی

سینئر منیجر میڈیا ریلیشنز

 

برائے رابطہ

احمد نبیل نیل

سینئر آفیسر میڈیا ریلیشنز

03023763556